Jeffrey想學Anson Lo騷肌拍內衣廣告　Edan講衰嘢：除埋底褲呢？

MIRROR成員Edan（呂爵安）近日孖靚仔Jeffrey（魏浚笙）正忙於拍攝ViuTV電視劇《i.Swim》，顏值爆燈的兄弟二人近日晉升時尚品牌寵兒、工作不斷，周三（29日）更雙雙出席品牌限定店活動，吸引數百粉絲撐場，甫出場粉絲已尖叫聲不斷「靚仔到鏡頭裂喇」，二人在綜藝《膠戰》後合作無間，Jeffrey表示見Edan仲多過見屋企人：「好親切，本身話係孖生哥哥，而家好似變咗親生哥哥！」隨即被Edan提醒孿生哥哥也是親生的，二人相視而笑。

二人近來為劇集密密操肌，Edan謙虛透露「的確橫咗少少」，自己屬鋼條型身材，未及Jeffrey大隻！提起隊友Anson Lo（盧瀚霆）昨日發布一張半裸內褲代言照引起鏡粉圈動盪，Edan笑言：「平時睇冇咁大隻㗎喎，佢本身都好勤力又好Fit，唔使點樣控制飲食都有腹肌，好羨慕佢身材！（想拍同類廣告？）有呢個身形我都想，完全唔介意！搵我拍啦！」Jeffrey則謙虛指需要再加操練才可騷肌，Edan隨即設陷阱：「如果除埋底褲嘅廣告呢？」非常搞笑。