宮雪花自認瓣瓣掂兼完美無需整容：花姐唔紅，天地難容
撰文：陳芷穎
出版：更新：
宮雪花笑言自己是完美。（葉志明攝）
關禮傑、宮雪花，吳幸美等人今日（29日）現身尖沙咀擔任地壺國慶盃賽事嘉賓，宮雪花接受《香港01》訪問時說地壺這項活動老少咸宜，亦分開了六歲和六十五歲的比賽區域：「我企咗喺六歲個位，希望可以打出神蹟去奧運。我玩得幾好，差啲中紅心，所以花姐唔紅，天地難容，因為花姐真係樣樣都得。」
楊洛婷今日在社交平台自爆曾被舊公司強迫整容，最終因拒絕妥協而遭掟入雪櫃，花姐直言如果整容後會受公司力捧，就當然去整：「公司出錢就梗係去整，冇咩理由唔整。韓國好多明星都好似整過，有咩關係呢？只要你靚就多嘢做，多嘢做就搵到食，搵到食係廣大市民最高興嘅事。整喇，我一定支持佢整，會唔會畀一億佢去整？」當問到假如當年公司要求她去整容時，花姐笑言：「如果要我整容，一定會比而家醜，我唔需要整，花姐係完美嘅。」
花姐直言如果整容後會受公司力捧，就當然去整。（葉志明攝）
宮雪花說自己樣樣掂，更直言「花姐唔紅，天地難容」。（葉志明攝）