Ben預告明年加入樂壇唔同MC爭新人獎 193妹妹唔知哥哥感情事

撰文:葉詩
出版:更新:

張天賦(MC)、趙祥誠(Ben)、ERROR成員193(郭嘉駿)的妹妹郭嘉盈(Michelle/3妹)《造星》囝囡「三代同堂」,周四(7日)齊齊出席電競家具發布活動,MC自認打機發燒友:「細個因為沉迷打機,爸爸甚至要收埋電腦滑鼠同鍵盤帶返公司!」Ben表示同病相憐:「我都打到俾人鎖機!」

3妹透露《造星》淘汰賽正進行得如火如荼,節目會於11月1日起播出。(葉志明攝)

MC今年推出3首派台歌皆反應不俗,他隨即透露在月尾的音樂會前將會推出第四首歌曲:「會係Pop啲嘅慘情歌!」至於今年新人獎競爭熾熱,作為大熱門的MC就有信心:「好大嘅因素源自粉絲嘅支持,但都係平常心,始終作為歌手嘅重心係做好音樂。」

問起兩位重量級師兄會否有什麼貼士予師妹,MC就承勢Tag歌《反對無效》:「相信自己,可能外間很多反對你的聲音,但係唔好理啦,自己覺得啱就去做!」(葉志明攝)

Ben近月落定加盟寰亞,談起接下來的活動計劃,他就表示正在積極裝備自己:「學緊唱歌,始終覺得自己唱歌有好多不足,所以要做Gym練氣、都要練好自己聲帶。」問起Ben會否加入今年樂壇新人獎激烈大戰,他就說:「出歌可能係明年嘅事。」

193與「Dee姐」陳海寧(Isabella)緋聞不斷,二人近日被指分手,3妹表示對哥哥感情生活並不知情:「通常我問佢都係關於《造星》嘅嘢,綵排佢都會畀好多意見,感情生活好少講,我真係唔知,但我相信佢可以Handle到嘅。(哥哥狀態還好?)冇變啊,都係好努力工作,等我今晚返去了解下先。」

+13
你可能感興趣