炎明熹首參與港台節目獲數十歌迷冒雨守候:感受到佢哋對我嘅愛

撰文:劉傳謙
出版:更新:
炎明熹和胡鴻鈞出席《Bang Bang聲:樂天派對》錄影。

炎明熹(Gigi)今日(7/10)首度現身港台,為音樂節目《Bang Bang聲:樂天派對》錄影,除了出道作《真話的清高》外,也特別翻唱《守望麥田》、《沒有你還是愛你》、《親密愛人》和《心動》,回憶著過去參賽時的回憶。Gigi接受《香港01》訪問時透露,今日與平常一樣,都是在一時半離開學校,不過今日要馬不停蹄來到電台錄影,她也坦言辛苦:「辛苦還辛苦,但係都覺得開心,我成日都會話『有工作做是一件好事』,所以係開心嘅。」

早在Gigi到達前,數十位「Gi炎粉」已經冒雨守候在港台門口,Gigi坦言十分感動,也想起決賽當晚的情況:「決賽都係打風,佢哋又係喺出面等,嗰日有落雨,有啲人仲要冇帶遮,所以真係覺得好心痛,但係我都感受到佢哋對我嘅愛。」Gigi又指在拍劇途中曾親身感受歌迷在戶外面對烈日曝曬的情況,直言感覺非常辛苦,所以感謝他們無時無刻都到場支持。

Gigi感謝粉絲無時無刻都到場支持。

其實早在8月底的一個演唱會中,Gigi就曾與師兄胡鴻鈞(Hubert)合作,她憶起當晚在後台的一段小交流:「嗰陣我問Hubert老師,如果我唱咗呢粒音會唔會好奇怪,佢話有少少,之後我就即刻改返。(邊首歌?)《愛的呼喚》。」不過這次見面時間太短,Gigi也無緣向Hubert請教更多。

Gigi解釋今日選擇對自己有深厚意義的作品翻唱,特別是初選時唱的《守望麥田》。(梁碧玲攝)
你可能感興趣