郭富城型格登場畫展 與藝術家Simon打造「龍馬」畫作
撰文：陳芷穎
出版：更新：
郭富城今日（7日）現身會展出席《典亞藝博 2021》，他戴上太陽眼鏡以一身全黑造型出場，非常有型，吸引不少在場人士爭相拍照。城城與藝術家Simon Ma（馬興文）共同創作出「龍馬」畫作，Simon接受《香港01》訪問時解釋今次合作原因：「同城城亦師亦友，每一晚都會傾好多關於藝術，十幾年兄弟，一齊寫下字畫下畫。我哋用成米高嘅筆，一氣呵成完成條龍，呢幅畫係友誼嘅延長。」
郭富城今日（7日）現身會展出席《典亞藝博 2021》，他戴上太陽眼鏡以一身全黑造型出場，非常有型。（葉志明攝）
場內有另一「龍馬」作品由城城親自完成，Simon說城城是一名完美主義者，早前更畫下過百幅畫作，亦將自己的演藝事業融入作品當中：「佢將跳舞精神同藝術結合，係一個好新嘅組合，同埋搵到藝術更高層面。同佢好多年朋友，冇諗過會坐埋一齊畫畫同研究新嘢，希望明年有新嘢畀大家睇。」Simon續指城城的作品很有動感：「我會教佢用大筆、最細嘅筆同中筆，將力量同仔細嘅嘢結合一齊，有一種新嘅啟發。」
+9