鄧麗欣38歲生日唔約男仔 怕畀人影到:我不嬲比較佛系

撰文:賴家杰
出版:更新:
Stephy提醒大家打風要注意安全。(梁碧玲攝)

鄧麗欣(Stephy)今天(12日)出席時裝品牌活動,不過撞正打風,Stephy坦言是相當擔心:「我今朝起身就問會唔會取消,好擔心大家出唔出到嚟,但好彩都冇咁快打。」

最近香港經常打風,Stephy都是留在家中,不過在家中她表示都非常忙碌:「我會睇劇本,又準備一啲角色嘢,其實我變態啲,因為拍個套戲要沉重啲,我搵好多呢類型戲睇。(打風都冇得休息好慘)其實冇話好慘,經過疫情呢一年,大家有工開係感恩。」

Stephy為拍戲投入很多時間熟讀劇本。(梁碧玲攝)

新加坡媒體發展管理局(IMDA)主辦的亞洲學院創意獎(Asian Academy Creative Awards)上周公布各個亞洲國家及地區大獎入圍名單,鄧麗欣憑劇集《男排女將》成為香港區最佳女主角,得到這獎項連本人也說非常意外:「自己都冇諗過電視劇上會得到肯定,拍到一個自己鍾意題材,得到呢個獎項真係Bouns。」

鄧麗欣即將38歲生日。

10月15日便是Stephy的38歲生日,當天Stephy並沒有安排什麼慶祝活動,生日願望笑言也不會是要一個男朋友:「生日冇乜特別,冇大心情慶祝,我不嬲比較佛系,好多嘢都唔特別強求。(男仔約你你都唔出?)廢事畀人影嘛,講笑啫,冇特別要去約男性朋友。」

發表評論...