周啟生自閉症次子疑於宿舍被虐：唔希望再有天使寶寶受虐待

歌手周啟生10月14日晚上與妻子到警署報案，有消息指其患自閉症的21歲次子周爵，疑在宿舍被打，腳趾尾骨折，院舍社監翻睇閉路電視後通知他，次子遭人扯頭髮、推撞、叉頸等。訪問期間周啟生多次感謝東華三院照顧有需要的小朋友，但指摘：「最嚴重係發現虐兒，虐兒之後邊個去查同負責，我好關心。」

周啟生於10月15日凌晨5時更新社交網，上載與次子的合照心痛留言：「唔會動搖我嘅信念，如果事情只係關於我，就算要受千刀萬剮，我都可以一力承擔，但係為咗我心愛嘅寶貝兒子，就算點樣畀人委屈也在所不計。我要行出嚟大聲疾呼，我唔希望再有天使寶寶受到虐待。」