賭命夫妻︱Benson沉船認對Mangie有好感 言行遭鬧爆：放生老婆喇
撰文：陳芷穎
出版：更新：
由火火和陳嘉倩主持的ViuTV真人騷節目《賭命夫妻》邀請五對夫妻大玩遊戲贏取獎金，昨晚（14日）播出的一集，節目組就找來PTGF與五位人夫拍拖，測試當老婆不在身邊時，他們到底會「乖乖哋」還是獸性大發。當中28歲的Benson直認對PTGF Mangie有好感，他的言行惹來網民強烈反感，更洗版式留言鬧爆叫他放生老婆Ruby。
Benson直認對PTGF Mangie有好感，他的言行惹來網民強烈反感，更洗版式留言鬧爆叫他放生老婆Ruby。（影片截圖）
Benson與Mangie在餐廳吃飯時提起一段往事，他說Mangie的外形以及氣質與一位前女友非常相似，言談間顯露出一絲的無奈：「佢係名流獨生女，好多好嘅食物同風景都係我哋一齊先有機會去，同佢一齊知道香港有另一種生活方式。我係公屋仔，簡單啲講就係錢，我襯唔起佢。經過呢段感情，有一段好長時間對社會階層嘅一切好反感。」Mangie則在旁開解Benson：「佢可能由頭到尾都冇以嗰個階層身份看待你，係你自己嫌棄自己。」
與Mangie相處以及深入對話後，Benson大讚對方好直認動了真感情。（影片截圖）
與Mangie相處以及深入對話後，Benson大讚對方好直認動了真感情：「呢個女仔有啲地方好鍾意，好想主動進攻，但又驚按捺不住，唔想令佢唔開心。一定有真感情，掀起咗漣漪。」火火提到他的老婆Ruby最驚就是他思想出軌，Benson竟說：「咁都冇計，可以點？諗完一輪先返返嚟先係『浪子回頭金不換』。結咗婚就係責任，責任係無論你鍾唔鍾意，都要去負擔嘅嘢。」他事後更直認：「我冇嘢需要懺悔，因為冇做過任何越軌嘅行為。不過亦都係因為依個原因，所以覺得好唔開心。」
Benson的一言一行惹來網民強烈反感，認為他根本不愛老婆Ruby。（IG/ @rubycchm）
Benson的一言一行惹來網民強烈反感，認為他根本不愛老婆：「放過Ruby啦」，「全世界都睇得出佢唔愛佢老婆，因為俾之前條女飛咗而娶一個佢唔愛嘅女人返嚟，仲要不停咁踩佢，唔會感恩同去愛佢老婆，把口狂話『責任』，我係男人都睇唔過眼！」，「當婚姻淨低責任時，仲算唔算愛情？」
點撃睇Benson與Mangie甜蜜互動：
+16
+3