仔仔一堂︱TVB播開埠首個男男配對騷 監製王賢誌︰預咗有人鬧!

撰文:陳栢宇
出版:更新:

香港史上首個男男配對真人騷《仔仔一堂》(Boyscation)將於11月頭在無綫(TVB)J2播出。日前,擔任監製兼節目主持的王賢誌(Vinci)在IG分享首日開工的情況,一邊舉起香檳酒杯,一邊叫觀眾拭目以待:「本人電視生涯最重要的一章,香港電視史上最破格之嘗試。」據了解,節目有10位男士參與拍攝,年齡介乎2字頭至3字頭,當中更有IG粉絲逾十萬的藍源偉(Juzco)、型男主廚楊平(Kenny)。

點擊下圖觀看《仔仔一堂》其中五位男神:

+15

王賢誌接受《香港01》訪問時便指,《仔仔一堂》並非純粹的男男配對騷:「節目用多個角度去探討新一代嘅Gay,點樣面對社會,會從佢哋嘅生活、態度出發。佢唔係一個比賽嚟,所以唔會Foul人。」他坦言想透過節目帶出LGBT社群的正面訊息:「想後生一代多個渠道表達自己,亦想多啲人了解呢個社群,因為呢條路真係唔易行。可能你會話『你都好成功吖』,但係我已經唔後生,我都係一步一步咁走過嚟,既然我有咁嘅機會、經驗、時間同資源,都想出力幫助個社群。」

點擊下圖觀看王賢誌公開的拍攝花絮:

+1

談到香港不少人仍未接受LGBT,王賢誌說:「我預咗會有人鬧咗先,亦都唔介意,最緊要係有人留意到件事,因為呢個係一個發生緊嘅事實,即使係好Open或者仲收埋衣櫃,都需要有個地方發聲等其他人聽到佢哋,從此一步步咁消除標籤、歧視。ViuTV嘅《大叔的愛》的確令人好多人接受LGBT,但係始終佢哋都係童話化嘅劇集,所以都想呈現番真實啲嘅情況畀大家睇。」

問參加者是否經過精挑細選?王賢誌直指揀參與者的過程難關重重:「參加者都好多考慮,係咪準備好出櫃,係咪想喺TVB呢個平台出現。(個個都係大隻仔?)部份啦,佢哋唔夠好夠好睇,觀眾都唔想睇啦,佢哋唔同背景、各有優點。(見到有位係名廚!)仲有位大學講師!(點解TVB肯拍呢個節目?)咁就要問番C君喇!」

你可能感興趣