江若琳庭上爆經理人公司指牙欠美觀難有工作:建議我剝晒全部啲牙

撰文:吳子生
出版:更新:
江若琳指經理人公司要她做植牙。(資料圖片)

Elanne江若琳(原名江玲)與前經理人公司寰宇合約官司案,今日(18/10)於金鐘高等法院繼續開庭聆訊。庭上控方大律師盤問被告人江若琳,指她04年簽約寰宇後,至06年這兩年間,其實工作量不多,是否同意他的講法?江表示同意。而控方大律師隨即向江指出事實是她仍在求學階段,故寰宇才沒有安排工作給她。

江急忙澄清說:「其實佢哋簽完我之後就同我講,話我啲牙唔靚,仲話如果我想即刻有嘢做呢,就建議我剝晒全部所有嘅牙,然之後做植牙,咁就會好快咁換上一排好整齊嘅牙。當時我同媽咪聽到佢哋咁嘅建議,都好愕然。於是就搵咗啲醫生去問。醫生就話我未夠18歲,仲係發育時期,唔建議我咁做。咁當時我係唔認同咁嘅做法,咁所以嗰兩年點解仲要讀書,同埋用嗰兩年時間去箍牙,而且佢哋都有要求我去減肥。」

案件編號:HCA 1225/2014

你可能感興趣