愛回家｜「申瑞秋」古佩玲太入戲 寸嘴被朋友投訴：我抽離唔到
撰文：吳子生
出版：更新：
古佩玲笑言因太過入戲，連本性都變得囂張寸嘴。（陳順禎攝）
古佩玲（Kelly)今日（19/10）現身電視城出席無綫處境喜劇《愛·回家之開心速遞》宣傳活動。Kelly在劇中飾演「星座小公主」申瑞素角色，個性冷酷深得視迷喜愛。Kelly表示：「其實呢個角色個性比較係寸嘴，同我本人係好唔同，而我本人事實上係好溫柔又好斯文㗎。試過有次Daddy同媽咪睇到我有場鬧交戲嘅時候，都覺得電視機裡面唔係我，仲話唔係佢個女，係因為鬧人鬧到好似潑婦罵街咁。唔知我係咪太過入戲，試過同啲朋友見面食飯，佢哋會話我點解會變得咁囂張，仲話我成個人好寸嘴，搞到我要急忙同佢哋解釋，我抽離唔到個角色。」
古佩玲今日出席無綫處境喜劇《愛·回家之開心速遞》宣傳活動。（陳順禎攝）