吳偉豪同李佳芯演母子 自覺配不上17歲角色：有人話我個樣有點老
撰文：吳子生
出版：更新：
吳偉豪首次同李佳芯合作拍劇，便演「母子」心感興奮。（陳順禎攝）
吳偉豪今日（19/10）現身將軍澳電視城出席無綫處境喜劇《愛·回家之開心速遞》宣傳活動。提到同視后李佳芯（Ali)首次合作拍新劇《有種好男人》便演「母子」。吳偉豪表示：「其實我收到消息要同視后Ali演戲真係好開心，不過自己又有少少擔心嘅。原因係我而家自己實際年齡係23歲，但我喺戲裡面要演17歲嘅角色，係有啲難，因為有人話我個樣有點老，唔係好襯呢個角色，不過都唔緊要，好在我而家都有讀書返學，身邊都有17歲嘅同學，咁所以都可以係佢哋身上學到啲嘢，令我可以擺到啲嘢落呢個角色度。」
吳偉豪今日現身將軍澳電視城出席無綫處境喜劇《愛·回家之開心速遞》宣傳活動。（陳順禎攝）