青年心城｜游嘉欣玩攀石半天吊：驚到出晒手汗
撰文：鄺鈺瑩
出版：更新：
游游喺拍攝之前，都特地抽空去學攀石。
游嘉欣在TVB新劇《青年心城之撐起青春》首次擔任女主角，劇中她與阿峰（林正峰飾）不乏親熱鏡頭，早前更傳出緋聞。喺本周日（24日）播出一集阿峰（林正峰飾）將遇上「頭號情敵」、因而醋意大生外。
游游呢場攀石戲，台前幕後都係做足準備功夫。
在劇中飾演熱血富家千金阿欣的游游，今集除會挑戰攀石之外游游更拍至手心冒汗：「嗰場戲需要我吊喺半空嗌救命，因為我真係吊咗喺有啲高嘅位，當時我只能靠隻手掹住啲石，對腳係冇任何嘢畀我踩住，所以其實我嗰刻真係驚到出晒手汗，我嘅救命係真心架！不過整體成件事係好玩嘅，係拍完第二日對手勁酸痛、手指又冇乜力。」
游游為劇集需要化身地獄廚神。
玩完攀石，游游又展示「驚人」地獄級廚藝，食到阿峰（林正峰飾）乸晒口臉，相當爆笑。不過游游強調現實生活中的自己並非如此：「我煮嘢食OK架，我媽咪識煮嘅我都識，最鍾意食釀豆腐同釀冬瓜。我下廚有冇烏龍嘢？都有嘅，我試過想整糖番茄，點知落錯咗鹽，好咸！」愈來愈弗的游游又指為了修身，平時很少外出吃飯，並開心Share節食心得：「盡量戒澱粉質，少油少鹽少糖，如果出街食通常只係食三文治或帶飯。另外我一路有做運動Keep住，因為如果唔Keep再減過好辛苦。」