【BIOHAZARD 7】Pearl Tonight日日打喪屍 張曦雯:連續打9個鐘

撰文:
最後更新日期:

除了一個肯捱麥記的女友外,作為男人又何嘗不想有個識打BIOHAZARD 7的女友呢?這種女友估計無人相信會存在,怎會想像到TVB女神 Pearl Tonight主持張曦雯正是,她最近在twitch開戶直播自己打BIOHAZARD 7,引來網民、機迷爭相觀看女神打機。

張曦雯平時形象幽雅高貴,原來私下是宅女,最愛打機,自掏腰包買PS4。在twitch直播打機。

不要以為女神只是「做樣」完全不懂打,張曦雯打得有板有眼,不少網友在連登討論區都讚她有技術,還讚她打得好肉緊,更自然地講英文,經常在鏡頭前講what is that ? Come on Come on,不少網友覺得聽到女神講英文已值回票價,更希望張曦雯直播教英文,而除了看她打機,張曦雯隻貓Louie亦是焦點,Louie全程坐在張曦雯旁邊,有時天然呆,有時又望下主人打機相當得意。張曦雯接受《香港01》訪問,她亦自認「機痴」,她說:「我打機因為我細佬,打機係我同佢溝通嘅橋樑嚟,令我哋增長感情,我第一次打機係PS one,Dynasty Warriors(三國無双)我鍾意用劉備,因為可以兩個人玩,所以同細佬好鍾意玩。BIOHAZARD 7我第一次玩㗎咋,好鍾意打zombie game,之前就打Left 4 Dead,我好鍾意玩呢啲,好變態,唔知,鍾意折磨自己啩…哈哈。」
 

張曦雯在twitch開戶幾日,已有2700人關注,她打BIOHAZARD 7還非常緊張。(網上截圖)

女神打機絕對商機無限,但原來部機同隻game都是張曦雯自己掏腰包買,她說:「好多人都以為有人畀錢我打,其實我自己買㗎,以前都有xbox,但之後都送畀人,因為我玩得太多,我要控制下,我真係好沉迷,呢隻BIOHAZARD 7,未做twitch前,我已經打,我係連續打咗9個鐘先停,我好似冇食過嘢,隻貓Louie就一直陪着我。」
 

張曦雯打機真是入了神的,但重點是她的愛貓Louie都讓網民留意。(Instagram圖片)

張曦雯在上月29日先開twtitch戶口,初時只得百幾人收看,但昨晚直播,高峰期有二千人,令她非常開心,她說:「我冇諗過咁多人睇,但最開心有人睇到我真性情,平時大家喺電視見到嘅,未算係真正嘅我,我想大家知我喺點,所以大家有時見到我打打下爆粗㗎,好正常啫,過唔到關真係好忟,掟手掣都試過。」

 

除了打機外,張曦雯最愛和陽光玩遊戲。(Instagram圖片)

張㬢雯亦愛和男朋友打機,她說:「我鍾意同男朋友一齊打機,不過嗰啲打得唔叻囉,我覺得女仔點解唔鍾意打機呢?可能覺得無得同男朋友一齊玩,如果可以一齊參與,應該冇咁抗拒,我會同佢哋打Halo,Call of duty,(打機叻會唔會易追求妳?)哈哈…呢個唔係我嘅criteria,不過如果你打機勁,我都覺你幾型嘅…(網友話妳無男友先打機喎?)係啦,大家見到我咁慘一個人打機就知啦,不過無嘢嘅,我都好開心。我而家最想係挑戰達哥打機,因為我都有睇佢嘅打機片。」沒有男友這句話相信是機迷最想聽到的。

張曦雯4段打機視頻,觀看人數不斷上升,網民越來越喜歡佢喇。(網上截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。