我是現場｜與張天賦開騷 洪嘉豪感觸落淚：我真係咁無存在價值？
撰文：鄺鈺瑩
出版：更新：
張天賦在台上自彈自唱，他表示由於綵排時未有排啱過，所以十分緊張。（陳順禎攝）
一連兩場的《我是現場》今晚麥花臣揭幕，兩位主角洪嘉豪與張天賦由後台邊唱《半天空檔》邊走上舞台，二人一口氣唱出《Good Time》、《表情符號》以及《Loser》，再與台下觀眾打招呼，Kaho看到MC媽媽時，即時賣口乖：「auntie 你個仔好乖，知書識禮。」MC表示由於太多人要求，故穿西裝出場，又話Kaho在後台時曾問他可以在台上摸他，說時Kaho即掀起MC的西裝外套。
「賦豪」CP開騷，全場爆滿，MIRROR成員AK亦有捧場。（陳順禎攝）
Kaho表示經常收到的私訊都是鼓勵他要多點信心，而他亦承認自己確係缺乏自信的人。「幾個月前我玩電話時，睇到一篇報道，寫咗有20幾個藝人出席，我其實都有去，但報道冇我個名，我係未咁渺小、咁冇存在價值？其實發生過好多次，而原來喺我呢幾年搵唔到存在價值時，你哋將我當做你哋嘅唯一，我真係好多謝你哋，多謝你哋將主角光環放喺我身上。」Kaho最終忍不住落淚，但仍搵笑表示與同事打賭五百元唔會喊，MC再次出場時，即安慰Kaho，又笑問他聽日會唔會再喊。
洪嘉豪自覺渺小，一時感觸落淚。（陳順禎攝）
點擊睇更多演唱會精彩畫面：
+6