胡諾言（胡仔）今日（23/10）到黃埔作客新城電台節目。講起今屆「渣打香港馬拉松2021」，胡仔透露無緣參賽：「其實之前我都有參過三屆嘅渣打馬拉松，但我評估過風險，今屆都係唔參加。係因為呢年都忙於工作少咗練習，如果我明知係咁都要去參加，到出咗事咪畀老婆鬧。其實而家我做任何嘢，都會諗過度過，始終有家庭，都要對家人負責任。咁所以當係跑少一屆，明年年初都好似仲有，到時先再諗。」