野外步出2｜奶仔邀波波黃婧靈做嘉賓添壓力：唔敢周圍望

方紹聰（奶仔）今日（26/10）現身電視城出席J2「呢鋪開細」記者會。提到由他主持的J2節目《野外步出2》將於11月1日打頭陣播出，更請來25位「女神」性感亮相包括有：傅嘉莉、彭慧中、陳詩欣、鄧伊婷、江嘉敏、蔡嘉欣、林凱恩、黃婧靈（波波）、謝芷倫、關嘉敏等人。奶仔可謂艷福無邊，令人羨慕。

奶仔表示：「其實今輯呢個節目，有位嘉賓都真係令我有啲尷尬，嗰個人就係波波，原因係佢學習扮美人魚去泳姿實在太過靚又標準，所以尷尬自己游水好渣，而嗰一集係波波大戰奶仔。（好大壓力唔敢直視佢？）係好大壓力，我隻眼長時間定焦望住佢個樣，唔敢上下周圍望。（所有女神都係由你欽點？）咁梗唔係我欽點啦，講到我好似皇帝咁，其實係經過C君、監製同B哥一齊去決定嘅，其實當中都有啲係我提議嘅，多數係搵返啲身邊嘅朋友。」