黃芷晴透露黃日華未打算覓第二春 堅持每月拜祭老婆：仲掛住媽咪
撰文：黃欣華
出版：更新：
黃芷晴（Adrian）今日（27日）出席口罩品牌活動，身為手作品牌老闆娘的她亦有意設計口罩，更透露正忙於婚禮市集生意。對於爸爸黃日華與關寶慧傳出緋聞，Adrian接受《香港01》訪問時笑稱：「我覺得好搞笑，其實我自己都好開心嘅，因為我仲擔心佢冇朋友，原來佢都幾多朋友，因為佢都比較宅。（介唔介意爸爸有新戀情？）暫時冇諗呢啲嘢，最緊要佢健康。」
黃芷晴出席本地品牌MaskOn.活動。（陳順禎攝）
據知，黃日華除工作以外，極少應酬，把時間全留作家庭，對太太專一如昔，是圈中公認好丈夫。去年，他接受無綫清談節目《諸朋好友》訪問，談到亡妻時依然流下男兒淚。而Adrian亦透露黃日華仍排住亡妻：「其實噚日我哋都有去探媽咪，我哋每一個月都有定時定候去拜一拜佢，大時大節呀，得閒都會去，爸爸最近鍾意插花，插完都會想去搵佢。（爸爸未想搵第二個？）我諗佢都冇，佢成日都喺屋企，都仲掛住媽咪，又好早起身去跑步。」
黃芷晴稱爸爸最近熱愛插花。（陳順禎攝）
二人半個月內約足兩次！（關寶慧微博照片）
點撃下圖睇黃日華的專一：
+19