光年正傳丨鄧梓峰冇份為巴斯光年配音 網友集氣失敗：有啲遺憾
撰文：賴家杰
出版：更新：
鄧梓峰（十郎）有份演出的TVB劇集《青春本我》，拍攝了一段時間，十郎對於這次接拍這劇集感到新鮮，他接受《香港01》訪問時表示：「好開心，我自己未試過拍音樂劇，拍我開場有場歌舞，又唔係好大場，但都有場歌舞，幾好玩呀。」
談到是歌舞劇，十郎坦言是需要跳舞，在這方面絕對不是他的強項：「弱弱地㗎，但個場牽涉好多人，所以我個場唔係著重舞步。」另外十郎劇中並沒有與炎明熹和姚焯菲有過多的對手戲，不過大讚這群年輕人：「雖然我冇同佢㗎有直接嘅戲，但佢哋個種活力，我相信拍出嚟係好睇。」
十郎劇中會跳舞。（梁碧玲攝）
提到十郎，必定會讓人聯想起知名動畫角色-巴斯光年，因為兩者樣貌相似。近日迪士尼與彼思全新動畫《光年正傳》，由巴斯光年擔正主角，預告也在網上能觀看。不少網友看完後都希望香港配音由十郎去負責，十郎笑言：「有幾樣幾好笑，第一巴斯光年係有頭髮，第二我都留意到好多人叫我去配音，我覺得係好，有呢個機會係好事，由我去配出到嚟係會點，不過一路都冇，有啲遺憾，希望爭取到。」
十郎對歌舞劇產生興趣，希望可以拍攝更多。（梁碧玲攝）