全民造星IV｜年紀最細對決 靚爆鏡阿妹不敵高人氣燒賣等復活
撰文：張國基
出版：更新：
ViuTV真人選秀節目《全民造星IV》今日（2日）一集已經進行了三組1對1比賽，除了子涓晉級，排舞師Jolin亦成功過關，不過花姐一邊睇一邊呻：「Joline好悶，我要搵跳舞人容乜易，出面大吧啦。」
Jolin晉級，花姐唔多睇好。（節目截圖）
今集亦都出現了《造星》歷史上最年輕的比賽，第三組對決兩位參賽者燒賣（曾業喬）及阿妹（黃敏蕎）都只得16歲，不過同樣大受幕後歡迎，有幕後更自稱是「燒賣關注組」。由於兩位都未成年，花姐同阿祖都好關心家人是否支持參賽，不過燒賣似乎有口難言，她在比賽之後才坦白：「我應承要全科合格，有啲要前10，成功咗先參賽。」至於阿妹樣貌取勝，冧掂男幕後心心眼。兩人雖然都揀了唱歌，但比賽風格好大分別，由於燒賣加入戲劇元素，比阿妹起企棟棟唱歌，最終2:1由燒賣晉級。
阿妹顏值隨時係今屆第一，但首回合比賽要跌入復活區。（節目截圖）
點擊睇阿妹同燒賣青春無敵相：
+31