鄧佩儀收利市厚過漢堡包 雞年犯太歲唔諗桃花專心事業
撰文：郭敏玲
出版：更新：
趁新年未過，短髮女神鄧佩儀身穿紅白背心低V連身裙，到西環出席新春活動。鄧佩儀表示過了農曆正月十五才會點算利市，但目前為止，收到的利市有一個半漢堡包咁厚，有可能過五位數字！
屬猴的鄧佩儀去年犯太歲，今年雞年有望時來運到，工作越來越順利。同時雞年也是桃花之年，鄧佩儀咁靚，應該不愁冇人追，但她表示現時不太會諗愛情：「我會想桃花旺啲，但係就用喺自己人緣上，因為藝人呢方面好重要，至於拍拖方面，就唔特別去諗，工作緊要啲。」即係話，鄧佩儀依家係單身，就算唔諗，各位男士都仲係有機會嘅。
另外，鄧佩儀講到今年會拍重頭劇《誇世紀》，她知道要與眾多前輩合作，既緊張又興奮，可以藉此學演技。套戲咁大卡士，鄧佩儀就透露其中最多對手戲的人就是張繼聰，「我好開心，因為之前在《幕後玩家》合作過，應該會好有默契。」鄧佩儀又表示不擔心劇集會與以前的經典有比較。