譚杏藍公開極速變瘦秘訣 茹素運動兩星期肚腩Bye Bye

撰文:郭敏玲
出版:更新:
見到個肚腩,就覺得hana好有吉士,會post出街。(facebook圖片)

相信女仔一生最大的恐懼,就是見到自己走晒樣,所以用盡所有方法減肥,例如節食,什至絕食、食肉減肥法、香蕉減肥法,總之你想得出有咩方法就會有什麼「減肥法」。目的只有一個,就是以最快的速度減最多磅數。不過,世上冇「不勞而獲」呢支歌仔唱,有付出才會有收獲。最正宗、正常的方法就是做運動再配合均衡飲食。最近,扮靚兼網絡紅人譚杏藍(Hana)正是最佳例子。

兩個星期就變返咁fit,真係好勁!(facebook圖片)

事緣Hana忙於拍戲,每天午餐都要食飯盒,加上飯盒的餸菜油淋淋,搞到Hana越食越肥,有個肚腩仔走出來。她於是展開減肥大行動,除了做運動,還積極研究煮素菜,轉而茹素,目前已實行了兩星期。為了向大家報告進度,Hana更犧牲「色相」,公開自己的肚腩相,對於女仔來說,要畀人睇自己最腫脹的一面,真係少啲勇氣同心血都不能,所以她自言:「我掙扎了好久才把這張照片放出來。」,繼而回顧過去:「老實說,這兩個星期真的好痛苦。天天訓練,天天早起去跑,飲食要做好。」至於兩星期就可以將肚腩剷返平真係好勁,光看前後對比圖,還真的不相信14日就可以見效。Hana自言:「雖然只花了兩個禮拜,而且我知道還未夠好!但已經是極大的進步!」她還希望可以一直keep到落去,果然減肥真是少點毅力都不行。

HANA為了減肥,每日都食得好清淡,餐餐少甜少油。(facebook圖片)