被醫生禁揸鑊鏟？ 謝霆鋒為追求夢想永不放棄
撰文：溫菁莉
出版：更新：
近年揸鑊鏟多過揸咪嘅謝霆鋒，每次現身話題一係王菲一係就煮嘢食。霆鋒連日來都忙於在內地宣傳電影《決戰食神》，今日傍晚時分，霆鋒就在個人Facebook上載了一張自己手臂刮痧的照片，並寫到：「醫生說不能再長期在廚房了，但是如果要在短時間內學會煮好任何東西，可能這就是代價了？」莫非，熱愛煮嘢食嘅霆鋒會「被廢武功」？
唔知霆鋒係咪揸鑊揸得太多，一刮痧立即泛成紫紅色。
霆鋒去年被星級美食指南米芝蓮封為史上第一任「米芝蓮之友」，勁！
照片一出，引來不少粉絲的關心，並留言話「這證明了你雙手的確是用來揸咪不是鑊鏟，還是乖乖去唱歌開演唱會吧」、「短暫的休息是為了走更遠的路！」、「回去躺着别拿菜刀了」等。相信想聽返霆鋒唱歌係唔少粉絲的心願，因為幾乎每年都有傳霆鋒會開演唱會，但都只聞樓梯響。相反，霆鋒近年都忙拍攝自家節目《十二道鋒味》，更開設曲奇店，實現美食夢。去年，霆鋒亦曾在訪問中提到自己有大半年時間都寫菜譜，因為美食對自己的意義太大，更講過：「如果一天有18個小時，那應該會有16小時在廚房裡。」睇得出霆鋒有幾咁愛下廚，不如霆鋒考慮休息下唱返歌俾粉絲聽啦！