鄧佩儀被指敗走加國感難受 劉佩玥：聽到不實報導會唔開心
撰文：吳子生
出版：更新：
劉佩玥未有透露好姊妹何時回港。（梁碧玲攝）
劉佩玥（Moon)今日（8/11）現身電視城出席無綫劇集《換命真相》宣傳造勢活動。對於好姊妹鄧佩儀（Gloria）被指拍攝完《換命》後被冷落，十個月無劇拍，最終心灰意冷決定回流加拿大。而Gloria事後在社交平台有感而發文指遭到不實報道，一開始感到不開心，及後認為清者自清。並解釋返加拿大原因是要處理私人事務，已向公司申請放假一段時間。
作為好姊妹的阿Moon就表示：「講真聽到一啲不實報道，真係會唔開心。不過我諗佢咁大個女，佢識得點處理，而且佢都處理得到，咁所以又唔使話點樣去開解佢啲咩，但係我會陪佢一齊傾偈，始終做朋友都要傾訴吓。雖然今日佢冇出席呢個宣傳活動，但我同佢都有緊密聯繫住。（佢幾時會返嚟？）哈哈！呢樣嘢就要問返佢喇！」
劉佩玥今日出席劇集《換命真相》宣傳活動。（梁碧玲攝）