台慶頒獎禮｜何依婷奪「飛躍進步女藝人」高唱入雲：冇都無所謂
撰文：吳子生
出版：更新：
何依婷對奪獎沒有太大期望。（梁碧玲攝）
何依婷（Regina）今日（9/11）現身天水圍流浮山出席無綫新劇《十月初五的月光》宣傳造勢活動。提到近來在《星空下的仁醫》演實習醫生素顏上陣喊功演技大爆發，備受好評。加上在《十》劇中重演佘詩曼「祝君好」角色，將安排在今個台慶月播出，被指有望奪今年台慶頒獎禮的「飛躍進步女藝人」。
Regina表示：「其實大家都係咁講嘅時候，我真係冇諗攞獎。因為一年都有好多好好嘅演員同劇，咁所以獎項對我嚟講都係隨緣囉，因為係你嘅係你，唔係你嘅就唔係你，所以我唔會有期望，就唔會有失望。（全世睇好你，會否對你造成壓力？）咁又冇。因為我自己係諗得好少嘢嘅人嚟，係一個比較簡單直接嘅人嚟，所以獎對我嚟講，冇都無所謂，有就好咁囉。但我又唔係嗰啲話好想要，好想要嗰啲人囉。」
何依婷今日出席無綫新劇《十月初五的月光》宣傳造勢活動。（梁碧玲攝）