林家謙睇好姜濤Jer攞叱咤男歌手 今年有獲邀上TVB但檔期不合告吹

撰文:邱愛霖
出版:更新:

歌手林家謙和人氣風水師七仙羽(七師傅)今日(10日)齊齊出席米線活動,合照期間七師傅突然攬實林家謙手臂,非常進取,林家謙接受《香港01》訪問時笑言七師傅「熱情如火」。問他是否很怕醜,他立即引用自己歌否認:「冇呀!我已經好淡定,敏感的我假裝冷靜。」

七師傅突然熱情地攬住林家謙。(陳順禎 攝)

張敬軒日前公開表示,睇好林家謙奪商台「叱咤樂壇男歌手」金獎,他感到很開心,但笑言怕太大壓力,開玩笑指不會被張敬軒影響到:「代表佢對我今年音樂作品嘅認可。但我唔會太認真看待,因為我怕自己有落差,會失望。(怕太有壓力?)係呀!所以我唔會畀你影響到㗎,張敬軒。」

林家謙現正密密籌備年尾個人專輯。(陳順禎 攝)

他又客氣指MIRROR成員姜濤、Jer(柳應廷)得獎機會較大,「佢哋今年曝光作品比較多,我就幕後多啲。」他又認為過去幕前工作太多,希望可以保持平衡。他表示未準備好做個人演唱會:「好多朋友都同我講係時候要開,但我好多關口要過啦。因為例如自己唔夠歌、體力上未必支持到。」

林家謙透露有獲邀上TVB,但因檔期不合而告吹。(陳順禎 攝)

林家謙又透露,今年無綫(TVB)方面曾邀請他在節目演唱,但因檔期不合告吹,其中有音樂、非音樂,以及慈善節目等。「之後睇吓個期啱唔啱啦......因為我係比較少上啲綜藝、娛樂節目,如果係音樂劇,我會考慮吓。(唔習慣?)始終我唔係一個向綜藝方面發展嘅藝人,我係做音樂嘅,我唔想參加嘅節目偏離音樂太遠。」

你可能感興趣