林盛斌爆余詠珊離開TVB後新動向：佢想招攬一啲演員、歌手

林盛斌（Bob）周六（13日）出席無綫（TVB）新遊戲節目《麻雀鬥室三決一》拜神儀式，他接受訪問時直指自己小六時已經找朋友來自己家開枱，可謂相當了解這門技術：「我唔係成日打就招呼佢哋，我煮麵畀佢哋食然後收錢，然後人哋贏錢我又抽少少水，好似做生意。」從小養成賺錢之道的Bob近來更開通YouTube頻道分享正能量影片，讓不少觀眾從中得益：「其實都辛苦，如果想這頻道去賺錢應該冇乜可能，始終唔係好多view，如果我請嘉賓上嚟傾偈，講吓啲Juicy嘢、是非八卦就會有好多view，但又係唔係我想做嘅嘢。」

提起近日有報道拍到Bob在某大型商場偶遇前TVB助理總經理（業務發展）余詠珊（Sandy），二人隨即停下腳步寒暄數句，Bob解釋這件事已是個多月前發生：「我嗰日去幫小朋友買啲嘢撞到Sandy就傾咗幾句。（有關心對方近況？）知道佢同先生（何哲圖）最近都有啲新搞作。（有向你招手加盟？）可能佢知我份約比較長，所以就冇同我傾呢啲嘢，但係傾偈過程就得知佢想招攬一啲演員、歌手，希望佢哋嘅新搞作可以做到。」