【迷】女神簡淑兒慘遭姦殺 泰臣急否認：我冇份㗎！
撰文：郭敏玲
出版：更新：
簡淑兒今次做田蕊妮個女，要瘋狂被對方掌摑，諗起都覺得爽呀。（郭敏玲攝）
繼《親親我好媽》61歲米雪做45歲江美儀的阿媽後，下星期一推出的《迷》，田蕊妮做簡淑兒阿媽，但兩人年紀僅相差12年。田蕊妮坦言最初知道要做人阿媽，表示：「我都未試過阿媽，都有諗過點去投入，好在簡淑兒都做得好好，畀我有一個良好做媽咪嘅經驗。」至於簡淑兒就話：「有一句說話就係拍戲同現實係分開，劇入面我都係做18歲嘅女仔，所以其實係合理嘅。」
泰臣與簡淑儀即刻扮下嘢過下癮。（郭敏玲攝）
劇中簡淑兒下場好似好慘，又要被田蕊妮掌摑，又好似要被泰臣等人姦殺。簡淑兒笑言：「絕無半點色情成份。（但唔係姦殺？）冇大家諗嘅咁，可能見到trailer覺得係。」她坦言不擔心因此令往後角色會變成「御用被姦」，覺得今次角色有挑戰性。
至於泰臣就話好想被田蕊妮瘋狂車幾巴，「話晒視后呀嘛，我嗰邊主要對祥仔同金剛，主要係搞笑囉。」泰臣所演的奸角都不算奸，而是要做滿口鄉音的笨賊，「其實都係學金剛講嘢，講下講下都唔知邊度鄉下。（會唔會講講下講到好似粗口咁？）咁我都係學金剛啫，大家平時覺得金剛冇問題，咁就得啦！」泰臣亦再三強調自己冇份姦殺簡殺兒。
泰臣今次只係做笨賊，做下做下綁架簡淑兒咁囉。（郭敏玲攝）
究竟係邊個咁做？
繼《親親我好媽》61歲米雪做45歲江美儀的阿媽後，下星期推出的《迷》，田蕊妮做簡淑兒阿媽，但兩人年紀僅相差12年。（郭敏玲攝）