Mark嫂梁家玉話意粉有鹼水味　杜汶澤笑：佢喺邊度買啲意粉？

杜汶澤為5月開台的奇妙電視主持頭炮節目《杜汶澤食住上》，今日在有線電視錄影廠舉行開鏡禮。很久沒做電視節目的阿澤將會同老婆田蕊妮打對台，另外昨日雷頌德太太梁家玉在一個烹飪影片煮意粉時將意粉過冷河，惹起網友嘲笑及討論，阿澤都忍唔住笑言：「唔知佢喺邊度買啲意粉。」

杜汶澤一向喜歡下廚，說了幾年要做烹飪節目的他終如願以償，為免費電視台奇妙電視打頭炮教煮餸，今日於記招中播放幾位好友預先拍攝的片段，鄭中基搞笑說：「食好西一定搵杜汶澤。」身穿low cut裙的薛凱琪則爆他怪習慣：「佢好變態，佢煎牛扒剩係着住條褲唔着衫，着住條圍裙。」阿澤則即場拿她的身材開玩笑問記者：「你識唔識分（薛凱琪）前面定後面？」

睇完片，阿澤拿出他向香港刀王陳華購買的利刀拍照，更聲稱是世界上最利的刀。而兩位女主持盧頌恩及鄺芷凡則要餵阿澤食朱古力撈麵和腩汁麥樂雞炒菜芯，阿澤食完兩種古怪食物都露出痛苦表情，但讚朱古力撈麵：「幾好食！」不過因為自己是某快餐店代言人，對麥樂雞菜式則不方便給食評。

阿澤多年沒做電視節目，今次似乎要跟老婆打對台，他則表示：「唔關事嘅！香港政府發咁多個牌都係想多啲選擇啫！同埋我綜合組佢拍劇，我又唔會幫其他電視台拍戲，我拍戲我主要拍電影。」而今次拍《杜汶澤食住上》則做足準備，甚至同謝霆鋒研究過技巧：「我哋兩個有研究過煮嘢食，佢係精緻好多，我係屋企餸囉！佢真係五星級餐廳咁，講勁梗係佢勁！」不過阿澤都未試過謝霆鋒手勢，只係睇過相片。

昨日雷頌德太太Jade在一個煮食環節中稱煮意粉之前要過冷河，被網友取笑：「佢煮意粉定轉工呀？過冷河……」有網友甚至拉埋雷頌德落水：「點解佢唔好好學下佢老公抄歌咁？抄下人地點煮先出嚟扮嘢嘛~haha」真係躺着也中槍，杜汶澤雖然沒有看過該片段，但表示：「事實我又冇聽過煮意粉要過冷河嘅！咁不過又唔知佢喺邊度買嘅啫！你知每個廚師佢買嘢來源有唔同係咪？我自己就冇試過，或者佢買嗰啲真係有鹼水味呢！」