謝嘉怡爸爸做埋保母跟出跟入無支薪:佢嘅人工就係可以陪我!

撰文:吳子生
出版:更新:
Lisa今日現身馬鞍山出席活動。(梁碧玲攝)

謝嘉怡(Lisa)今日(16/11)現身馬鞍山出席人氣動漫《ONE PIECE海賊王》MOST-SWEET Seacation 聖誕啟航」主題活動。提到爸爸經常陪伴在側,有如貼身保鏢一樣。Lisa笑言:「我唔返TVB嗰幾日,佢會陪住我,因為佢差唔多又要返英國,所以我放工又或者有時間,佢都想陪埋我。喺呢個半月佢返咗嚟,其實我都好少陪到佢。」

被問到爸爸做埋助手跟出跟入,有否薪金?Lisa笑言:「冇呀!佢嘅人工就係可以陪我,相信佢係夠嘅,因為佢開心。(有冇問爸爸攞零用錢?)如果我有需要嘅時候佢會畀我嘅,不過我好少會去使錢。(出糧有冇畀錢爸爸做家用?)冇呀!因為佢想我儲錢,想我喺呢段時間儲錢。(儲錢買樓?)未知,因為香港啲樓好貴,反而英國啲樓又平又大,咁所以我都未知會唔會係香港買樓。」

Lisa爸爸亦有現身會場。(梁碧玲攝)
Lisa今日現身馬鞍山出席活動。(梁碧玲攝)
你可能感興趣