夏蕙bb本相約魯芬下星期食齋 難忘當年一齊Cosplay
撰文：溫菁莉
出版：更新：
黃夏蕙、邵音音、林雅詩及其緋聞男友馬天樂等下午於大埔汀角村出席盤菜宴。 （溫菁莉攝）
黃夏蕙、邵音音、林雅詩及其緋聞男友馬天樂等下午於大埔汀角村出席盤菜宴。對於日前魯芬離世，與她相識多年的好友邵音音及黃夏蕙均表示相當不捨。
夏蕙姨透露新年前與魯芬相約下星期一齊食齋，「佢有答應我會出席，但突然發生呢件事。佢之前又唔俾我去探佢，唔想我入醫院怕感染。」她表示最難忘是當年一齊cosplay出席活動，「嗰次活動後，大家叫我哋魯芬bb同夏蕙bb，我哋都好開心。」
邵音音表示自己從報章才得知魯芬入院。 （溫菁莉攝）
同樣與魯芬老友鬼鬼的邵音音，表示自己都是從報章得知對方入院，「佢淨係話生蛇，好小事。睇報紙先知原來咁嚴重。」魯芬樂天的性格亦有感染到音音姐，坦言要活在當下「我本身有先天心臟病，開心咁過每一日，天要收你都無辦法。」
至於同場的林雅詩(Grace)今日就被拍得到銅鑼灣睇婦科疑似「有喜」，她表示只是普通婦科檢查，並笑言只是美麗的誤會，「我的確係肥咗幾磅，因為新年食得太多。」Grace之後透露再次執導電影，其中一個角色更邀請了日前因皮肌炎離世的魯芬參演，「她之前都知道我的婚姻問題，都有鼓勵我，叫我將來要搵個好男人。」
夏蕙姨指魯芬性格充滿正能量又多才多藝，對於對方離世感難過。 （溫菁莉攝）
林雅詩被問到情人節會否同緋聞男友馬天樂（圖右）一齊過？她指要睇情況，如果對方得閒都會考慮。 （溫菁莉攝）