早霸王｜Anson Lo曾嬲足爸爸一個月 原因只為被剪瀏海
撰文：鄺鈺瑩
出版：更新：
Anson Lo又為《早霸王》提供了一個自己嘅秘密。（fb圖片）
Anson Lo（盧瀚霆）與家人感情向來要好，他早前曾在IG發文自己因工作關係太忙，冇時間去晒自己所有嘅應援同戶外廣告牌打卡，爸爸媽媽知悉後為佢走勻香港打卡，仲即時send相同教主分享，十分窩心。Anson Lo今日接受商台節目《早霸王》訪問時，提到其實自己都會同媽媽嗌交，主要都係因為學業成績，而多數都係有教母講無佢講。
教主真係好緊張自已嘅髮型。(ig圖片）
至於爸爸，由於係慈父一名，所以兩父子甚少有爭執。「由細到大同佢嗌過一次交，因為爸爸做髮型屋，中一、二時暑假去剪頭髮，大家都知以前啲陰會留到好長、遮晒眼好似覺得自己好靚仔咁。佢將我成pat蔭剪晒，仲要剪嗰時我瞓著咗，我醒嗰時呆到唔知講咩好，之後一個月都冇同佢講嘢，真係好嬲。佢話想我清爽，但唔會去海灘，唔需要清爽。」
教父同教母(ig圖片）
森美問到父子陷入冷戰時，爸爸有冇提出和解，Anson Lo表示:「佢話『其實都冇咩嘢』仲要用好冇嘢嘅語氣講，但我每次照鏡時都唔覺冇咩嘢，我嗰陣keep住抆頭髮，又去買啲活髮洗頭水。」咁到最後兩父子又點和好如初呢?教主話：「見到pat陰開始有希望，我又覺得冇咩嘢。」
點擊下圖重溫電影《假冒女團》首條預告的精彩時刻！！！
+11