星空下的仁醫｜羅子溢明年返內地工作 靠視像同太太維繫感情
撰文：蘇國豪
出版：更新：
羅子溢對獎項一事隨緣。（葉志明攝）
TVB(無綫電視）台慶劇《星空下的仁醫》周二（16日）在紅磡都會商場舉行宣傳，靚仔醫生羅子溢（原名：羅仲謙）亦有出席，對於劇集有望為自己提名台慶獎項，他就表示隨緣。
《星空下的仁醫》收視同口碑都不俗，被外界視為有望提名爭奪台慶頒獎禮多個獎項，對於獎項一事，羅子溢就表示：「我覺得呢樣嘢比較隨緣，口碑好好已經對我好大鼓舞。」
提到日前他受訪時揚言明年會有一段時間在內地工作，問到如何同太太楊茜堯（原名：楊怡）維繫感情，羅子溢就表示：「做咗爸爸之後成個人思維比較成熟咗，同埋知道責任。好多時唔需要同太太約法三章，太太對我有信任，自己都要做好本份。耐不耐要FaceTime，去邊度要講一聲，呢個係最基本責任。」
羅子溢會同太太FaceTime維持感情。（葉志明攝）
被問道如返內地工作，有一段時間無法同女兒相處，怕不怕父女情變得陌生？羅子溢都表示擔心：「我已經有咁嘅擔心，所以依家成日同佢視像，佢一見到爸爸就嗌爸爸，有陣時為生活冇辦法要分隔兩地，我依家做嘅嘢都係為咗佢將來。」揚言相信女兒長大後會理解的。
羅子溢還透露女兒的個性較活躍，不像女孩子反而像男孩子，問他會不會再有造人大計，他則表示：「我從來冇刻意去避或強求，呢樣嘢隨緣。」
羅子溢亦怕在內地工作會影響父女情。（葉志明攝）