「神之馬壯」孭起《馬家開飯》收視 黎諾懿:啲人叫我老婆馬太

撰文:
最後更新日期:

黎諾懿被網民指撐住《馬家開飯》整個節目,因為睇佢搞gag。(梁碧玲攝)

準爸爸黎諾懿知道囝囝大約4月16日出世,係白羊座雞B。(梁碧玲攝)

黎諾懿今日出席《馬家開飯》記者會,他太太目前懷孕7個月,黎諾懿都做足晒心理準備做爸爸,透露太太會順產,BB仔的出生日期預計為4月16日。

《馬家開飯》第一集已播出,不少網民為著「神之馬壯」而收睇。飾演馬壯的黎諾懿就話拍得有啲攰:「因為馬壯有2年冇出現,又要搵返佢出嚟,佢為人又咁多嘢講,又好鐘意搞笑,有好幾次拍完,個口真係好攰。」另外亦有網民表示「馬家不死」,沒有《愛.回家》,馬家總有第二個方式出現,黎諾懿就話:「我本來都以為馬壯從此消失,但係好事呀。至少喺街啲人都仲我做馬生,仲叫我老婆做馬太。」

有網民都講到:「要劉丹出去掃街邊檔?」似乎都不太忍心。黎諾懿就話其實係劉丹主動要求去食,你知幾多煎炸、臭豆腐嗰啲啦,我哋都有撳住佢㗎啦,叫佢『梅』兩嘢就收手啦。」

黎諾懿拍節目拍到好攰咁款,皆因要講好多嘢。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。