李松蔓不忍愛犬受癌病折磨 為牠選擇安樂死：下呢個決定相當痛苦
撰文：吳子生
出版：更新：
原名李天縱的李松蔓（Lena）今日（21/11）現身上環出席社區巡遊表演起步儀式。提起家中飼養了18年的史納沙愛犬「才才」前兩個月不敵癌症離世，令她十分痛心，每日以淚洗面：「其實喺五年之前，經醫生診斷證實生癌，但醫生就話而家可以做手術，但會好危險，而且做咗都唔一定會好返，咁所以我選擇唔做手術。但喺呢段日子我每朝都見到佢痛好辛苦，喺度哀鳴，見到我都好痛心。」
李松蔓近日為無綫新劇《隱形戰隊》開工拍打戲，打到周身酸痛。（葉兆康攝）
而Lena續指最後選擇幫牠安樂死，要下這個決定相當痛苦：「其實呢個決定都諗咗5年，係希望佢唔好再咁痛苦，而呢個決定一早已經有心理準備，有一日都要去面對。（心情平伏未？）其實都冇乜心情，一直都心痛，而我每日都會諗起佢啲片段，有時發夢都會夢見到佢，咁所以連IG我都冇心情去Post任何嘢，唯有寄情工作，令自己唔再諗咁多嘢。」
李松蔓本身有舞蹈底子，拍打戲對她來說相信無難度。（葉兆康攝）