羅天宇讚湯洛雯善良有想法 死唔認拍拖：順其自然啦
撰文：郭敏玲
出版：更新：
羅天宇今日在記者會上成為被抽水對象，講親咩都關佢感情事。（梁碧玲攝）
羅天宇似乎對湯洛雯頗有好感，不排除有發展可能。（梁碧玲攝）
羅天宇今日出席《馬家開飯》記者會，他近日被傳媒影到與緋聞女友湯洛雯在山頂拍拖行街，兩人由拍攝《愛．回家》時已傳出緋聞，事隔4年後再爆出新聞，戀情疑幻似真。
羅天宇坦言當時有其他友人同遊山頂，只是傳媒剛巧只影到他與湯洛雯。問到目前兩人的關係，羅天宇表示：「目前都係初步了解當中，（似乎了解咗好耐，對佢係咪都有好感？）佢係一個好好嘅女仔。」問到情人節會否約對方？羅天宇就話：「唔會啦，等真係先再算啦，（會點樣追求佢？）順其自然啦，都冇刻意去做啲咩。」
問到湯洛雯是否他心目中的理想對象，羅天宇似乎有點怕醜：「唔知呀！（你覺得佢係點嘅女仔？）佢係一個好善良嘅女仔，好有自己想法。」
羅天宇與湯洛雯拍攝《愛．回家》飾演情侶，繼而傳出緋聞。（梁碧玲攝）