假冒女團｜Anson Lo盧瀚霆獲眾女大讚電力夠：我都想主動關心大家
撰文：鄺鈺瑩
出版：更新：
MIRROR成員Anson Lo（盧瀚霆）初登大銀幕，電影《假冒女團》今午舉行首映，逾二千神徒迫爆商場，身穿白色西裝嘅教主與幾位主角蘇皓兒、陳紫萱、Alina （李炘頤）、Heidi（李靜儀）出場時，獲全場歡呼。
提到拍攝時嘅趣事，Heidi 表示「瘦住入嚟肥住拍完。而Chole就爆料有場餐廳的戲份，一行人幾乎將拍攝的食材「掃清」。（周倪瑩攝）
Anson Lo接受訪問時，坦然心情十分緊張，畢竟是人生第一部電影作品，而他更為了首映特地換上新髮型。「唔知大家睇完有咩反應，會覺得我好搞笑？定覺得我造型好醜？會有好多唔同嘅諗法。」
有傳首映門票被炒至天價，Anson Lo希望衡量自己嘅需要。（周倪瑩攝）
戲中Anson Lo 雖然假扮女仔，但Alina等人都表示有被教主「電」到。「次次一企佢旁邊，就會唔記得啲舞步，因為掛住望佢。」之後眾人又大讚Anson Lo很會照顧大家，每次拍攝不順利時都會送上慰問，Anson Lo表示由於他們在戲中是一個組合，所以感情基礎十分重要，關心是必須的。「雖然我真係太初哥，唔應該由我嚟做，但我都想主動關心大家。」提到由於戲中的女裝扮相，令不少fans的另一半被迫也女性化，紛紛在討論區吐苦水，Anson Lo笑言：「幾得意，但都辛苦晒一眾男士。如果真係要扮，入場睇啦，因為有好多仔細位，希望大家最緊要開心。」
人生首部電影上映，Anson Lo表示十分緊張。（周倪瑩攝）