陳煒甜笑讚未婚夫唱情歌有驚喜 暫未有生B計劃：發生得太突然
撰文：吳子生
出版：更新：
陳煒手戴3卡鑽石婚戒。（梁碧玲攝）
陳煒（煒哥）昨日（21日）48歲生日，有指醫生男友陳國強月前已開始為女友籌備生日求婚派對，特意在生日會送上求婚驚喜，在眾出席嘉賓面前跪地送上玫瑰花及3卡鑽戒令煒哥大感驚喜，甜蜜答應。今日（22/11）煒哥現身上環出席《香港動物協會xLifestyO慈善攝影展2021》就婚事接受《香港01》訪問。
她表示：「其實每年成班好朋友都會為我搞生日，而今年佢哋就好神秘咁連同我未婚夫一齊去籌備搞呢場驚喜。而未婚夫佢仲將我同佢咁多年嚟慶祝嘅相片剪輯成片，播放到尾段就見到我同佢兩個人嘅甜蜜溫馨照，然之後佢就即場唱咗首歌畀我聽，然後就向我求婚，當時真係令我好驚喜，我就好快就答應咗佢。（幾時舉行婚禮？）我哋冇傾過任何嘢，因為件事好驚喜又好突然，咁所以未諗到任何嘢。」而問到陳煒會否努力生BB，煒哥則笑稱：「唔使喇，都冇諗過呢樣！因為發生得太突然，都完全無諗！」
陳煒大讚未婚夫陳醫生為人細心又體貼。（梁碧玲攝）