鄭欣宜成「叱咤女歌手金獎」大熱　自嘲患妄想症：可Keep住去妄想

每年年尾，本港樂壇又是派成績表的時候，而在樂壇奮戰十年的鄭欣宜被指有力問鼎「2021年度叱咤樂壇流行榜頒獎典禮」的叱咤女歌手金獎。全因她在跨年上榜的《小夜燈》之外，《先哭為敬》及《@princejoyce》兩首均是冠軍歌，而另一首歌《罰你》最高排名第11位。所以成為女歌手金獎大熱人選是必有原因。

今日（23/11）鄭欣宜（Joyce)現身電視城出席無綫音樂節目《勁歌金曲》錄影時，就此事接受《香港01》訪問說：「每一年我都好有信心接觸呢個獎，因為有呢個心態先可以做好每一個作品，咁所以我一路都Keep住有呢個妄想症，令我一路可以Keep住去妄想，哈哈！（有咩獎想攞？）我想要嗰個實冇機會啦。因為而家全世界都只係聽MIRROR，咁我最喜愛歌曲嗰啲實冇機會，但如果大家聽完MIRROR之後，不妨可以聽吓我鄭欣宜啲歌吖。」