星空下的仁醫｜孔德賢演鄭嘉穎年輕版有壓力：唔知佢鍾唔鍾意

孔德賢（Danny）今晚（23/11）現身將軍澳電視城錄影歌唱籌款節目《Sing空下的仁醫》。Danny透露自己在《星空下的仁醫》中飾演鄭嘉穎年輕版大感壓力：「因為我細個嘅時候已經好鍾意睇佢做戲，而且讀中學嘅時候，啲老師已經成日話我似佢，到我大個咗之後，有機會同佢拍戲，我喺膽戰心驚，因為佢好大氣場。而我一路都有個心好想搵佢影合照，但我唔敢直接開口問佢，而係要搵人幫我去問佢。其實要我扮佢，我係好大壓力，係因為唔知道佢鍾唔鍾意人哋去扮佢，所以我心裡面會有啲怯，所以唔敢開口問囉。不過到最後佢都有讚我做得幾好，我先放下心頭大石。」