李芷晴贏台慶大獎38萬　兌現承諾送禮贈外婆超孝順：買金器手飾

李芷晴今晚（23/11）現身將軍澳電視城錄影無綫（TVB）歌唱籌款節目《Sing空下的仁醫》。提到日前在台慶抽中38萬大獎，李芷晴笑言仍未有時間辦理領取手續：「其實我呢兩日都好忙，未有時間去處理，因為好似要去銀行開個戶口，然後獎金會傳入呢個指定戶口度。不過我係知道要係限期前去辦理，限期係喺12月頭咁上下，我一有時間就會去搞。（獎金點用？）其實到而家我都未知點樣用，又或者會用嚟投資。不過我就一定會買份禮物畀婆婆，因為我同婆婆感情好好，曾經應承佢等我大個之後搵到錢，一定會買金器手飾畀佢，咁所以佢呢份禮物一定唔走得。」