全民造星IV︱Catrina梁式昕被淘汰仲好景 出騷搵銀仲有主題曲唱
撰文：陳栢宇
出版：更新：
ViuTV選秀真人騷《全民造星IV》正播放得如火如荼，更不少高質參賽者未能成功復活，令觀眾感到非常可惜，當中包括畢業於英國布里斯托大學音樂系，身懷八級鋼琴的高手Catrina（梁式昕）。繼早前與MIRROR人氣王姜濤合作拍攝電視廣告後，Catrina最近便首次獲兒童樂園及餐廳邀請出席商業活動，為兩周年慶祝活動擔任嘉賓，期間大會更播出由Catrina主唱的卡通主題曲《Fullhouse World滿屋世界》。
Catrina（梁式昕）日前獲邀出席商業活動。
對於首次出席商演搵真銀，Catrina直言感覺興奮，談到她為卡通片唱主題曲，她說：「係困難嘅，因為自己過往主要聽Rap、Pop Song等，好少聽兒歌，所以今次唱兒歌對自己係一個挑戰，而且呢首歌係唱畀小朋友聽，咬字上要清楚啲，希望可以以身作則，唔好有懶音。」
問到Catrina未來工作方向，她坦言除了希望可以出到屬於自己的歌，還想試試拍戲的感覺，她說：「最近睇咗《尚氣》，鍾意咗梁朝偉，睇番晒佢啲電影《阿飛正傳》、《重慶森林》等，真係好希望可以同佢合作，我以可以同佢同一個姓氏為榮。」