朱晨麗一整年冇劇拍唔覺被冷待：都知道觀眾好掛住電視屏幕前嘅我
撰文：葉詩
出版：更新：
朱晨麗周六（27日）出席慈善基金晚宴，提起日前見證陳煒被求婚，朱朱直言在醫生陳國強求婚前5分鐘她才把握事態：「原本純粹以為去食個生日飯，加上佢哋驚我洩漏風聲，所以將呢個秘密保守得非常好，發生前姐夫先講我知，我已經制止佢即刻想喊，我一喊就會穿煲，做戲都冇咁做！我喊到朋友話好似我結婚咁，但我真係好戥佢開心，拍拖介紹畀我哋識嗰陣已經覺得佢哋好登對，已經嗌佢姐夫。」朱朱表示已預定伴娘位置：「唔要我點得？（封定大利是？）禮物唔可以講。」至於被不少網民催婚，她就表示隨緣：「忙完工作先，緣份到就會有求婚個人出現，唔急嘅。」
朱晨麗下周迎來34歲生日，率先許願希望事業能蒸蒸日上，惟正日有工作在身，未能與朋友盡情慶祝。（葉志明攝）
對於有觀眾指已有近一年未能在電視屏幕看到朱朱演出之劇集，她回應指：「公司安排緊㗎喇，唔係係咪檔期要讓畀出面（指電影公司），所以中間就空咗一段時間，但其實我都有做公司其他嘢，公司唔係得劇、都有綜藝，所以大家唔可以單睇一個部分。都知道觀眾好掛住電視屏幕前嘅我，如果啱期、公司又可以分配畀我就一定做。（有唔開心？）唔會！我都有做港姐、導師等唔同任務，都幾滿足，（收入有影響？）唔會啦，唔會啦。」