古佩玲為學業放棄參加《中國好聲音》 兩年後再唱Live：有啲緊張
撰文：賴家杰
出版：更新：
古佩玲（Kelly）今天（1日）出席《歡樂滿東華 2021》 的記者會，在這次籌款中，Kelly將會表演跳舞和唱歌，而Kelly很少在人前唱歌，Kelly表示從小已經很喜歡唱歌，但在參選香港小姐被導演叫跳舞能讓人多留意，所以當年並沒有唱歌，「其實我私底下真係好鍾意唱歌，我有錄Demo，同埋我之前有參加《中國好聲音》，今次係事隔兩年冇唱Live，有啲緊張。」
Kelly雖然愛唱歌，但從沒有放在社交網站。（陳順禎攝）
參加《中國好聲音》是Kelly在選香港小姐之前，當年是在海選階段，Kelly說是：「我個時海選，但最後合約問題，同埋當時仲讀緊書，唔想咁快出嚟，當時係讀緊高中。（即係唔係個人問題，係入到圍）係呀，個陣想㗎，但係返香港選港姐之後就冇點唱，係冇機會唱。不過冇後悔嘅、依家入《愛回家》都開人，咁希望聲夢考慮下。」
Kelly表示唱歌的聲線是屬於低音和沉實一些，與外表斯斯文文的她帶點反差，Kelly透露不少聽完她唱歌的朋友都感到這種反差感：「畀人感覺滄桑咗，其實我唱流行歌多，之前喺加拿大跟一個上海老師學唱歌。」
Kelly由想做歌手變成一位演員。（陳順禎攝）