全民造星IV丨B組威番次！ 東東留鬚扮男人搞笑演出救Liu哥
撰文：張國基
出版：更新：
ViuTV真人選秀節目《全民造星IV》昨晚（2日）繼續40強比賽，由A4對B4，連輸兩場後B組終於發力，雖然未宣布結果，但由評判表現已經知道B組九成九勝出，Carmina已在出局邊沿。
A4組成員有Carmina、子涓、Ariel、Ada仔及安希婷，但成員有意見分歧，尤其是上屆參賽者子涓特別落力，與其他組員有少少誤會，結果綵排時表現極差，花姐完全不收貨：「你哋輸X梗！」結果自選項目被On仔、Kary嫌太平庸：「feel到想復古，但未係有功架唱咁經典，未見到實力。」
A4組指定項目唔算突出。（節目截圖）
+4
至於B4的Sica、東東、Liu哥、暐翹就好有驚喜，早前梁祖透露要訓練參賽者着高踭鞋，今日終於見到訓練過程。B4在自選項目同樣有性感歌舞，第一次着高踭鞋跳舞的Sica一開場就跌落樓梯，勝在識執生坐在地上擺動身體，花姐狂讚「叻呀叻呀」，同樣亦得到卓韻芝讚：「跌倒起身為你加好多分！」
好在Sica識執生。（節目截圖）
+6
兩組指定項目唱《來自天堂的魔鬼》，A4組今次演出較文靜，令全員走音情況更加明顯，一致被彈唱得差。而B4組大玩cosplay扮日本暴走族打鬥，搞笑風格蓋過不懂成員普通話的缺點，連A組導師都認輸：「如果我係評判都會俾B組。」B組極有機會拯救到在死亡名單上的Liu哥。
B組自選項目好搞笑。（節目截圖）
+15
同場加映：全民造星IV｜10位滄海遺珠參賽者 醫護代表Ash、咖喱被out好唔抵
點擊下圖看看有哪10位︰
+25