【親親我好媽】肌男郭子豪係A&F御用男模 萬人迷棄工程師為拍劇
撰文：林迅景
出版：更新：
郭子豪在《親親我好媽》竟然沒有騷肌場面，無綫真係浪費了他的一身好肌肉。（微博圖片）
無綫劇集《親親我好媽》播出以來好評如潮，除網民話劇本貼地夠真實之餘，更有眾多後起之秀，其中亦包括嚴茜瑜（江嘉敏）的萬人迷同學連國佳（郭子豪）。
現時25歳的郭子豪（Arnold），2年前已在TVB就讀第28期藝員訓練班，近年亦愈來愈多在電視熒幕上出現。除TVB拍劇外，最多人關注的焦點就是郭子豪的一身肌肉，原來郭子豪早在簽約TVB前就已經是A&F的香港代表。他説：「嗰時都2百幾人in，end-up都揀咗5個，之後就揀咗我幫佢做世界巡迴宣傳嘅model，佢地周圍有openings我就會周圍飛嘅。」
郭子豪在劇中飾演Hugo，昨晚一出場就同何廣沛作對。（網上截圖）
原本係英國帝國理工學院畢業，所屬學科機械工程仲係全球NO.3。（Instagram圖片）
郭子豪畢業於英國名校帝國理工學院（機械工程），問到他為何入行，他解釋：「嗰時做完A&F發現原來咁多人識，唔係所有人咁好彩有咁嘅機會，咪試下先囉。畀自己一個期限，如果3年內未達標就做返機械工程師，同埋自己性格都唔係咁鍾意坐喺office。」而問及為何會由模特兒轉型至演員，他回答：「我唔想做花瓶！」還說簽了TVB長約：「簽俗稱「親生仔」嗰啲，即係無私嘅奉獻，所有都畀哂佢！」
談到一些輕鬆點的話題，例如擇偶條件，他回應：「性格就真係緊要啲嘅，最緊要夾，咁背景可能差唔多囉。」再問及覺得江嘉敏如何，郭子豪爽快的說：「江嘉敏梗係好喇，佢梗係荀盤喇！」咁係咪有機會先？
1，2，3，4，5，6，真係數得出有6舊腹肌。（微博圖片）
係咪好想一齊遊船河呢？（微博圖片）
郭子豪曾當A&F男神，女仕們翻查下相簿，可能發現曾經同佢合照。（微博圖片）
郭子豪個身型真係fit到漏。（微博圖片）
係咪同江嘉敏好襯呢？（網上圖片）
嘩！強勁的二頭肌！（微博圖片）
A&F世界級模特兒，真係世界級！（網上圖片）