胡鴻鈞望聖誕節與蔡思貝渡過 唔使送禮物:我哋冇咁物質主義

撰文:賴家杰
出版:更新:

胡鴻鈞(Hubert)今天(8日)出席《勁歌金曲》的錄影,Hubert表示難得可以與吳業坤和吳若希(Jinny)同台合唱,坦言很期待:「我哋三個好耐冇同台,我真係好緊張,驚影響佢哋發揮。Jinny啱仲話好輕鬆,師姐真係師姐。三個嘈就係基本,不過留返係訪問先嘈,我哋唱歌都好認真唱。」

Hubert早前個人演唱會完結,當時操得六嚿腹肌,他笑言六嚿腹肌現時還健在:「我有Keep住做運動,但就冇之前咁大運動量,飲食都冇咁清,但唔知係我腸胃太健康定點,每日都好暢通,一日有兩次咁。」

Hubert透露接下來聖誕會在赤柱擺市集。(陳順禎攝)

提到聖誕節,Hubert表示會與一眾朋友渡過,而緋聞女友蔡思貝,他說:「思貝嚟講我就知佢最近好忙,忙拍劇,我哋呢班姊妹睇下有冇機會聚埋一齊玩下囉。呢段時間大家都各有各忙,我都少同朋友見面,想同身邊朋友聚下。(買禮物畀佢?)我諗我哋呢個年紀唔興送,我哋冇咁物質主義。禮物真係唔需要,不過有緊係好。」

Hubert將會在市集會賣炸雞皮。(陳順禎攝)