馬達・蓮娜︱周秀娜入圍澳門電影節最佳女主角：好開心好想參與
撰文：陳芷穎
出版：更新：
周秀娜（Chrissie）和林芊妤（Coffee）今日（15日）於海洋公園出席聖誕活動，娜姐以紅色長褲現身非常有節日氣氛。魔術師甄澤權（Louis Yan）即席表演扭計骰魔法，娜姐與Coffee看得投入大叫神奇。
魔術師甄澤權（Louis Yan）即席表演扭計骰魔法，娜姐與Coffee看得投入大叫神奇。（周倪瑩攝）
娜姐接受《香港01》訪問時指非常喜歡聖誕節，她說今年聖誕節會在工作中度過：「好鍾意聖誕氣氛同埋聖誕燈飾，一定會佈置屋企。往年會去旅行，今年去唔到旅行，但係有兩部戲進行，所以都係工作度過，會同屋企人、朋友食飯慶祝。」因拍戲拍劇導致周身傷的娜姐亦有透露身體情況：「膝頭係舊患，呢排做緊動作Training可能再扭親，基本上做啲好劇烈運動，隻腳就會返嚟，用啲方法令佢紓緩唔好再惡化。年底會開始拍劇，希望開戲前個狀態可以好啲。」
娜姐憑電影《馬達．蓮娜》入圍《澳門國際電影節》最佳女主角，她表示非常開心：「好想可以去澳門參與呢件事，可以見下隊Crew，但而家未知有冇得去，要健康碼真係通咗先可以做到呢件事，同埋工作上時間可以配合到。好戥導演、劇組開心。」
+5