萬千星輝2021｜唐詩詠未入圍獎項 預告缺席頒獎禮：畀我放假啦！
撰文：吳子生
出版：更新：
唐詩詠透露當晚會缺席《萬千星輝頒獎禮2021》。（葉志明攝）
唐詩詠前晚（22/12）現身銅鑼灣出席劇集煞科晚宴。提到無綫日前公佈《萬千星輝頒獎典禮2021》16個獎項入圍名單中，竟榜上無名。詩詠表示：「其實今年我得一套劇上，餘下幾套劇要留待下年先播，咁所以我嘅重點就喺來年，希望來年大家唔好厭棄我。（會否坐住冷板凳出席頒獎禮？）哈哈！會唔會畀我返屋企坐呀？因為我真係好想放假呀！畀我放假啦，我都辛苦咗兩年。其實嗰晚我唔會出席。而我睇到今年嘅競爭都好激烈，而大部分入圍嘅我都認識，咁所以希望佢哋都加油。」
唐詩詠今年只得《我家無難事》播映，未能入選視后最後五強。