【溏心風暴3】翠華贊助又係講茶餐廳 監製：唔會hard sell
撰文：郭敏玲
出版：更新：
《溏心風暴3》當然有夏雨、米雪、李司棋、關菊英啦，今次背景係茶餐廳，會唔會互潑奶茶鬧交呢？（黃國立攝）
TVB重頭劇《溏心風暴3》的劇集人馬今日終於登場。過去兩輯就講海味同月餅，咁今輯又講乜呢？原來以港式茶餐廳，劇中台柱夏雨沖港式奶茶起家。而記者會上，見到佈景板所示，由著名兼上市食肆翠華茶餐廳全力贊助，會上亦大派品牌奶茶及奶油豬，令人聯想到時睇劇會有幾個包在左近，硬性推銷翠華奶茶。
劉家豪出名計數，今次揾到翠華贊助，加上又有夏雨、司棋姐回歸，想輸都難。（黃國立攝）
問到《溏心3》總監製劉家豪，故事取材會否與翠華有關，他連聲否認：「當然唔會啦，上次《家好月圓》個時都有餅家贊助，但故事都唔關事㗎。咁啱係有茶餐廳贊助啫。」總監講到，新劇的茶餐廳名字叫「家昌茶餐廳」，寓意家和萬事興，但夏雨一家以「港式茶餐廳」起家，既然有sponsor，到時又會否有贊助商植入式推銷先？總監話：「咁就當然唔會啦，亦唔會hard sell奶油豬嘅。」總監講到，除咗有港式milk tea，另外一家人鍾意English Tea𠻹。
《溏心風暴3》除了原班人物外，還加了王浩信、岑麗香、黃翠如，還有唐文龍，最驚喜有胡琳(最左)，唔通佢會唱Jazz。(黃國立攝)
記者會上各演員用箭代表人物關係圖，都算有創意。